28.11.2016 00:00

233. fundur barnaverndarnefndar Reykjanesbæjar var haldinn að Tjarnargötu 12 þann 28.11.2016 kl. 08:15.

Viðstaddir: Halldór R. Guðjónsson formaður, Hildur Gunnarsdóttir, Hólmfríður Karlsdóttir, Sigurrós Antonsdóttir, Laufey Bjarnadóttir ráðgjafi, Þórdís Elín Kristinsdóttir félagsráðgjafi og Jóhanna María Ævarsdóttir félagsráðgjafi, sem einnig ritaði fundargerð.

 1. Einn trúnaðarmál á dagskrá

2. Ofbeldi gegn börnum – Leiðbeinandi reglur fyrir skóla

Þórdís Elín Kristinsdóttir félagsráðgjafi kynnti fyrir nefndinni tillögur fræðsluráðs um að reglur verði unnar í sameiningu með tengiliðum skólaþjónustu, barnavernd og skólastjórnendum leik- og grunnskóla.

Barnaverndarnefnd Reykjanesbæjar fagnar þessu átaki og styður það.

3. Forvarnarverkefni

Þórdís Elín Kristinsdóttir félagsráðgjafi kynnti fyrir nefndinni samstarfsverkefni starfsmanna barnaverndar og forvarnarfulltrúa lögreglunnar á Suðurnesjum er varðar unglinga sem sýna af sér áhættuhegðun.

Barnaverndarnefnd Reykjanesbæjar fagnar þessu samstarfsverkefni og leggur til að notað verði orðið áhyggjusamtal.

4. Samstarf barnaverndar og mæðraverndar/ungbarnaverndar Heilbrigðisstofnunar Suðurnesja

Jóhanna María Ævarsdóttir félagsráðgjafi kynnti fyrir nefndinni teymisvinnu barnaverndar og mæðraverndar/ungbarnaverndar.

Nefndin þakkar kynninguna og telur þetta samstarf mikilvægt.

 5. Trappan – Viðtalsmeðferð fyrir börn sem hafa upplifað heimilisofbeldi

Laufey Bjarnadóttir ráðgjafi kynnti fyrir nefndinni Tröppuna. Farið var yfir samtalsmeðferðina, sem er í höndum barnaverndar og árangur sem náðst hefur.

Nefndin þakkar kynninguna og telur Tröppuviðtöl mikilvæga viðbót við aðra þjónustu.

6. Mæling á álagi barnaverndarstarfsmanna

Þórdís Elín Kristinsdóttir félagsráðgjafi kynnti nefndinni niðurstöður mælingar barnaverndarstofu á álagi starfsmanna barnaverndar.

Nefndin leggur til að álag verði áfram mælt á 4 vikna fresti í fjóra mánuði.

7. Sálfræðiþjónusta fyrir börn

Nefndin leggur til að starfsmenn barnaverndar meti stöðuna varðandi sálfræðiþjónustu fyrir börn á þriggja mánaða fresti. Til að fylgjast með biðlistum, hvað gangi vel og hvað megi betur fara.

 Fleira ekki gert og fundi slitið. Fundargerðin fer til afgreiðslu bæjarstjórnar 6. desember 2016.