53. fundur lýðheilsuráðs Reykjanesbæjar var haldinn að Tjarnargötu 12 þann 17. desember 2024, kl. 14:00

Viðstödd: Bjarney Rut Jensdóttir formaður, Anna Lydía Helgadóttir, Karítas Lára Rafnkelsdóttir, Jóhanna Björk Sigurbjörnsdóttir og Magnús Einþór Áskelsson.

Að auki sátu fundinn Hafþór Birgisson íþrótta- og tómstundafulltrúi og Íris Eysteinsdóttir ritari.

1. Ungmennaráð Reykjanesbæjar - helstu áherslur (2024120104)

Ólafur Bergur Ólafsson umsjónarmaður ungmennaráðs og Eydís Ásla F. Rúnarsdóttir fulltrúi í ungmennaráði mættu á fundinn og fóru yfir áherslumál ungmennaráðs Reykjanesbæjar.

Lýðheilsuráð þakkar fyrir góða kynningu og færa ungmennaráði kærar þakkir fyrir vel unnin störf á árinu sem er að líða.

Fylgigögn:

Kynning fyrir lýðheilsuráð

Ræður ungmenna til bæjarstjórnar

Ræða ungmenna - var ekki flutt 

Ræða ungmenna - var ekki flutt

Símanotkun, svefnleysi og sund

2. Íslenska æskulýðsrannsóknin - vor 2024 (2024120102)

Lýðheilsuráð rýndi í helstu niðurstöður íslensku æskulýðsrannsóknarinnar sem lögð var fyrir nemendur í 4. – 10. bekk í grunnskólum Reykjanesbæjar. Ljóst er að blikur eru á lofti. Framundan er mikil vinna s.s. foreldrafundir Samtakahópsins í samstarfi við Skúla Braga Geirdal en mjög mikilvægt er að foreldrar, grunnskólar og aðrir fagaðilar taki höndum saman við að komast á rétta braut á ný.

3. Fundargerð Samtakahópsins frá 13. nóvember 2024 (2024030167)

Fundargerð Samtakahópsins lögð fram.

Fylgigögn:

Fundargerð Samtakahópsins 13. nóvember 2024

4. Kynning á lýðheilsutilboðum fyrir eldri borgara í Reykjanesbæ (2024050049)

Hafþór Birgisson íþrótta- og tómstundafulltrúi fór yfir margvísleg tilboð sem eldri borgurum stendur til boða í Reykjanesbæ.

Fylgigögn:

Kynning á lýðheilsutilboðum eldri borgara

5. Hvatagreiðslur eldra fólks í Reykjanesbæ 2025 (2023050588)

Hvatagreiðslur eldri borgara hafa slegið í gegn hjá íbúum Reykjanesbæjar. Alls hafa 484 einstaklingar nýtt sér hvatagreiðslur á árinu sem er að líða. Yngsti þátttakandinn 67 ára og sá elsti 92 ára.

Lýðheilsuráð minnir á að hvatagreiðslur fyrnast um áramót.

Fylgigögn:

Hvatagreiðslur eldra fólks

Fleira ekki gert og fundi slitið kl. 15.50. Fundargerðin fer til afgreiðslu bæjarstjórnar 7. janúar 2025.