Loka þarf götunni á meðan að framkvæmdir eru í gangi en opið verður inn í botnlangann.

 

Í dag, miðvikudaginn 23. september 2026, hefst undirbúningur fyrir malbikun á Borgarvegi. Malbikunin sjálf fer fram á föstudaginn, 25. september 2026.

 

Íbúar við Borgarveg eru vinsamlegast beðnir um að fjarlægja bíla af götunni og úr innkeyrslum þar sem ekki verður aðgengt eftir daginn í dag. Gatan verður lokuð fyrir umferð meðan á framkvæmdum stendur, og er íbúum bent á að gera ráð fyrir því við skipulagningu dagsins.

 

Verktakinn Rekan annast verkið fyrir hönd Reykjanesbæjar. Bæjaryfirvöld þakka íbúum fyrir skilning og biðja þá um að sýna starfsfólki og tækjum á framkvæmdasvæðinu tillitssemi meðan á verkinu stendur.