Akurskóli hlaut í dag alþjóðlega viðurkenningu Skóla á grænni grein fyrir góða frammistöðu í menntun til sjálfbærrar þróunar og fyrir að leggja sitt af mörkum til þess að efla og bæta umhverfismál innan skólans og í nærsamfélaginu.

Þetta er í annað sinn sem Akurskóli hlýtur þessa viðurkenningu en fyrra skiptið var árið 2012.

Af tilefni dagsins fóru allir nemendur og starfsfólk í Narfakotsseylu þar sem fáninn var afhentur. Nemendur sungu saman lagið Enga fordóma og fengu kleinu og kakó.

Síðan var haldið aftur upp í skóla þar sem skólastjóri dró fánann að húni.