Þann 30. nóvember 2024 fara fram alþingiskosningar á Íslandi. Í Reykjanesbæ verður kosið í Fjölbrautarskóla Suðurnesja. Kjörstaður mun opna kl. 09:00 og loka kl. 22:00.

Kjósendur eru hvattir til að kynna sér í hvaða kjördeild þeir eru skráðir, sjá hér.

Sérstök athygli er vakin á því að kjósandi sem ekki hefur meðferðis persónuskilríki getur átt von á að fá ekki að greiða atkvæði. Stafræn ökuskírteini eru gild skilríki við kosningar. Til þess að sannreyna þau eru þau skönnuð á kjörstað.

Aðgengismál:

• Hjólastólar verða á kjörstað
• Lyftur má finna víða um húsnæði Fjölbrautarskólans
• Kjósendur geta óskað eftir vasa með blindraletri utan um kjörseðilinn sinn.

Á kjördag mun yfirkjörstjórn hafa aðsetur í Fjölbrautarskóla Suðurnesja í stofu 221, s: 420-4515.

Yfirkjörstjórn Reykjanesbæjar