Ánægjuleg tilnefning og styrkur til Tjarnarsels

Frábær sumarglaðningur barst Tjarnarseli þar sem leikskólinn fékk úthlutað veglegum styrki úr Sprotasjóði leik-, grunn- og framhaldsskóla á vegum Mennta- og menningarmálaráðuneytisins til þróunarverkefnisins "Garðurinn okkar og hringrás náttúrunnar: kennsla og nám á útileiksvæði leikskóla." Markmið verkefnisins er að þróa náms- og kennsluhætti sem tefla saman sköpun, sjálfbærni, vísindum og heilbrigði. Styrkurinn kemur sér mjög vel og er í beinu framhaldi af verkefninu sem farið var af stað með í fyrrasumar með foreldrum, börnum og starfsfólki Tjarnarsels.

Til viðbótar þessu hlutu foreldrar, börn og starfsfólk Tjarnarsels, í maíbyrjun, tilnefningu til Foreldraverðlauna Heimilis og skóla fyrir "Áskorun og ævintýri: Útinám og fjölnotagarður" og tók leikskólastjóri á móti viðurkenningu í Þjóðmenningarhúsinu í Reykjavík.