Utankjörfundaratkvæðagreiðsla hefst 27. júlí 2026

Upplýsingabæklingur um þjóðaratkvæðagreiðsluna
Landskjörstjórn hefur gefið út upplýsingabækling í aðdraganda þjóðaratkvæðagreiðslunnar sem fram fer 29. ágúst 2026 um hvort hefja eigi að nýju aðildarviðræður Íslands við Evrópusambandið.

Markmið bæklingsins er að veita skýrar og hlutlausar upplýsingar um atkvæðagreiðsluna og útskýra meðal annars hvað Evrópusambandið er, hvað felst í aðildarviðræðum, hver munurinn er á Evrópusambandinu og EES og hvað felst í því að kjósa já eða nei. Jafnframt er tekið fram að bæklingurinn taki ekki afstöðu til málsins heldur sé honum ætlað að styðja kjósendur við að kynna sér efnið.

Við hvetjum íbúa til að kynna sér bæklinginn.

Upplýsingasíða Landskjörstjórnar

Hver má kjósa?
Íslenskir ríkisborgarar með lögheimili á Íslandi og hafa náð 18 ára aldri á kjördag. Erlendir ríkisborgarar eiga ekki kosningarrétt við þjóðaratkvæðagreiðslu og geta því ekki kosið.

Kosning utan kjörfundar
Ef kjósendur geta ekki kosið á kjördag er hægt að kjósa utan kjörfundar, hjá sýslumönnum eða erlendis.

Hvar kýs ég?
Sá staður sem kosið er á kallast kjörstaður. Kjósandi kýs á kjörstað í því sveitarfélagi sem hann er á kjörskrá í. Kjörskrá verður birt í 24. júlí og þá verður hægt að fletta upp hvar kjósandi á að kjósa. Kjörstaðir eru almennt opnir frá klukkan 9 að morgni til klukkan 22 að kvöldi kjördags.
Athugið að í ár verða 3 kjörstaðir í Reykjanesbæ. Skipting kjósenda eftir kjörstöðum er eftirfarandi:

• Keflavík og Njarðvík:
  Kjörstaður verður í Fjölbrautarskóla Suðurnesja.
• Ásbrú og Hafnir:
  Kjörstaður verður í Ráðhúsi Reykjanesbæjar, Grænásbraut 910.
• Innri Njarðvík:
  Kjörstaður verður í Stapaskóla.

Hvernig kýs ég?

• Finndu þína kjördeild
• Hafðu skilríkin tilbúin
• Í þjóðaratkvæðagreiðslunni verður spurt um hvort Ísland eigi að hefja á ný aðildarviðræður við Evrópusambandið. Svarkostir á kjörseðlinum verða já og nei.
• Settu X við þann valkost sem þú kýst
• Brjóttu kjörseðilinn saman og settu hann í atkvæðakassann

Aðstoð við kosningu
Allir kjósendur geta fengið aðstoð við að kjósa og þurfa ekki að gefa neinar ástæður fyrir því. Kjósandi getur komið með eigin aðstoðarmann eða fengið aðstoð frá starfsfólki kosninga.

Á kjördag mun yfirkjörstjórn hafa aðsetur í FS í stofu 221. Netfang hennar er yfirkjorstjorn@reykjanesbaer.is og símanúmer 894-6700.