Dagur um málefni fjölskyldunnar 12. mars

Haldið verður upp á dag um málefni fjölskyldunnar í Fjölskyldusetrinu, Skólavegi 1 laugardaginn 12. mars með dagskrá frá kl. 11:00 til 13:00. Boðið verður upp á kynningu, erindi og tónlistaratriði og viðurkenningar til fjölskylduvænna fyrirtækja og dagforeldra afhentar. Barnapössun verður á staðnum og boðið upp á veitingar. 

Fjölskyldan er hornsteinn samfélagsins og því vert að gefa málefnum hennar gaum. Það hefur verið gert í Reykjanesbæ um árabil, m.a. með þessum degi. Dagskráin verður sem hér segir:

  • Ávarp – Jasmina Crnac
  • Kynning – Bókasafn Reykjanesbæjar
  • Erindi – Bryndís Jóna Magnúsdóttir kennari og rithöfundur
  • Viðurkenning til fjölskylduvænna fyrirtækja
  • Viðurkenning til dagforeldra
  • Tónlistaratriði
  • Veitingar

Dagskráin er öllum opin og eru foreldrar hvattir til að taka börnin með, barnagæsla á staðnum. 

Til viðbótar við þessa dagskrá má minna á að Fjörheimar/88 húsið er öllum opið kl. 13:00 - 17:00 og Ungmennagarðurinn frá kl. 10:00 - 22:00. Þá getur fjölskyldan gert sér glaðan dag á safnahelgi á Suðurnesjum sem haldin verður 12. og 13. mars. Ókeypis er inn á öll söfn í Reykjanesbæ og margar skemmtilegar sýningar í gangi.