Hér getur þú fylgst með framvindu framkvæmda í bænum og fengið nýjustu upplýsingar. Um lifandi gögn er að ræða sem breytast reglulega og gefa góða mynd af því sem er í gangi í bænum hverju sinni.

Fræsing á Kirkjuvegi 

Á miðvikudaginn 22. apríl eru fyrirhugaðar fræsingar á götum í bænum, ef veður leyfir.

• Kirkjuvegur verður unninn í tveimur áföngum:
  • Frá kl. 09:00 til 13:00
  • Frá kl. 13:00 til 15:00

Lokað verður fyrir almenna umferð á meðan framkvæmdum stendur, en strætisvagnar og nauðsynlegur akstur fá að komast um svæðið. Ökumenn eru beðnir um að aka með sérstakri aðgát.

Einnig er fyrirhugað að fræsa Sólvallagötu og Vesturbraut í framhaldi. Ekki er gert ráð fyrir mikilli truflun á umferð þar, en hraði verður lækkaður á vinnusvæðum og viðeigandi merkingar settar upp.

Malbikunarframkvæmdir á Vesturbraut og Sólvallagötu, 24. apríl

Föstudaginn 24. apríl eru fyrirhugaðar malbikunarframkvæmdir, ef veður leyfir.

• Vesturbraut verður lokuð frá kl. 09:00 til 15:00
• Sólvallagata verður lokuð frá kl. 15:00 til 19:00

Bent er á að göngustígar liggja að leikskóla á svæðinu og eru foreldrar hvattir til að nýta þá við að sækja og skutla börnum á meðan lokanir standa yfir.

Vegfarendur eru hvattir til að sýna aðgát og virða merkingar á meðan framkvæmdum stendur.

Við þökkum fyrir skilning og samstarf á meðan unnið er að framkvæmdunum.

Umhverfisvaktin verður uppfærð eins oft og unnt er yfir vikuna, en henni er deilt vikulega eða eins og nauðsynlegt er, hér á síðunni. Einnig er hægt að fylgjast með helstu framkvæmdum á vegum bæjarins á kortasjá Reykjanesbæjar.