Það er margt ánægjulegt starf  unnið hjá félagsþjónustunni í Reykjanesbæ sem vert er að kynna fyrir íbúum.  Stuðningur við einstaklinga og fjölskyldur á mismunandi tímum í lífinu og við mismunandi aðstæður, til að allir geta fundið og ræktað hæfileika sína, er mikilvægur og því þurfa úrræðin að vera fjölbreytt.

Í þjónustumiðstöðinni á Nesvöllum er fjölbreytt dagskrá alla virka daga. Í Björgina kemur daglega hópur fólks saman og tekur þátt í margvíslegu starfi sem þar fer fram. Hæfingarstöðin er frábær samverustaður og oft mikið fjör. Í Baklandinu er börnum hjálpað að læra og leika. Á öllum þessum stöðum starfar frábært starfsfólk sem tekur vel á móti öllum sem þangað koma. Í  samstarfi fjölmargra aðila er svo gamli Barnaskólinn að fá nýtt hlutverk sem Fjölskyldusetur, fræðasetur þar sem fjölskyldur í Reykjanesbæ geta sótt sér fræðslu og þekkingu eftir þörfum.

Með því að smella á þennan tengil opnast YouTube myndband um fjölskyldu- og félagsþjónustu Reykjanesbæjar