Sveitastjórnakosningar í Reykjanesbæ fara fram laugardaginn 16. maí 2026.

Skil framboða og meðmæla
Framboðslistar verða mótteknir föstudaginn 10. apríl 2026 kl. 11:00–12:00 á bæjarskrifstofum Reykjanesbæjar, Grænásbraut 910.

Yfirkjörstjórn Reykjanesbæjar óskar eftir að framboðsaðilar nýti rafrænt meðmælakerfi á Ísland.is til að safna og skrá meðmæli með framboðslista.

Mælst er til þess að oddvitar framboða stofni söfnun en nafn þeirra og fæðingardagur birtist sem stofnandi söfnunar.
Einnig er heimilt að safna meðmælum á pappír en mælst er til þess að þau séu slegin inn í rafræna meðmælendakerfið áður en frumritum meðmælanna er skilað inn ásamt framboðstilkynningu. Hér er sniðmát að söfnun meðmæla á pappír sem framboð geta nýtt sér.

Hægt er að mæla með framboðum hér.

Skilyrði framboðslista
Samkvæmt samþykkt um stjórn Reykjanesbæjar nr. 622/2019 skal bæjarstjórn skipuð ellefu fulltrúum. Á framboðslista skulu því vera að lágmarki 11 nöfn og að hámarki 22 nöfn.

Framboðslista skal fylgja

• Skrifleg yfirlýsing frambjóðenda um að þeir hafi samþykkt að vera á listanum.

• Rafræn meðmæli a.m.k. 80 kjósenda í Reykjanesbæ. Hver kjósandi má einungis mæla með einum lista.

Um nánari skilyrði og framkvæmd fer samkvæmt ákvæðum kosningalaga nr. 112/2021.
Nánari upplýsingar fyrir þá sem hyggjast bjóða fram er að finna á kosning.is.

Yfirkjörstjórn Reykjanesbæjar
Jóna Hrefna Bergsteinsdóttir
Guðrún Ingibjörg Ragnarsdóttir
Magnea Herborg Björnsdóttir