Frístundastyrkur Reykjanesbæjar hefur fengið nýtt heiti, en styrkurinn hét áður Hvatagreiðslur. Frístundastyrkurinn er árlegur styrkur sem Reykjanesbær veitir foreldrum og forsjáraðilum barna til að styðja við þátttöku þeirra í skipulögðu íþrótta-, tómstunda- og listastarfi.

Styrkurinn dregst beint frá æfinga- eða námskeiðsgjöldum þegar barn er skráð í viðurkennt starf og hefur nú verið hækkaður fyrir börn. Styrkurinn nemur nú 50.000 krónum á ári fyrir börn á aldrinum 4 til 18 ára með lögheimili í Reykjanesbæ.

Frístundastyrkurinn stendur einnig íbúum 67 ára og eldri til boða. Fyrir þann hóp nemur styrkurinn 45.000 krónum á ári og nýtist hann við skráningu í skipulagt tómstunda- og frístundastarf.

Reykjanesbær hvetur íbúa til að kynna sér rétt sinn og nýta frístundastyrkinn. Mikilvægt er að hafa í huga að ónotaður styrkur fellur niður um áramót.

Nánari upplýsingar má finna hér.