Á laugardag, 28. mars kl. 20:00, verður heimildamyndin Maðurinn sem elskar tónlist sýnd í Bergi í Hljómahöll. Aðgangur er ókeypis og eru allir velkomnir meðan húsrúm leyfir.

Myndin fjallar um líf og störf Þóris Baldurssonar, eins ástsælasta tónlistarmanns þjóðarinnar, sem á að baki langan og farsælan feril bæði hér á landi og erlendis. Í myndinni er dregin upp persónuleg og lifandi mynd af manni sem hefur helgað líf sitt tónlistinni og haft djúp áhrif á íslenskt tónlistarlíf.

Sýningin er liður í heimsókn Þóris til heimahaganna, en hann dvelur í Reykjanesbæ um þessar mundir og fagnar 82 ára afmæli sínu þann 29. mars. Með heimsókninni snýr hann aftur á slóðir þar sem tónlistarferill hans átti upphaf sitt.

Gestum gefst tækifæri til að upplifa einstaka heimildarmynd um líf og list Þóris í notalegu umhverfi Bergs, og verður bar opinn á staðnum fyrir þá sem vilja njóta veitinga á meðan á viðburði stendur.