Hvað verður í boði fyrir börn, ungmenni, fullorðna og eldri borgara í Reykjanesbæ sumarið 2026?
Við óskum eftir sumarefni frá íþrótta- og tómstundahreyfingunni – sem og öðrum sem vilja kynna sitt íþrótta-, tómstunda- og leikjanámskeið fyrir bæjarbúum.

Ef félagar eða klúbbar áforma að bjóða börnum, ungmennum og eða öðrum íbúum í Reykjanesbæ upp á tómstunda- og /eða leikjanámskeið eða aðra afþreyingu í sumar, biðjum við um að upplýsingar verði sendar til íþrótta- og tómstundafulltrúa á netfangið: sumar@reykjanesbaer.is fyrir 22.apríl nk.
Endilega sendið myndir með.

Auglýsingarnar verða birtar á vefnum fristundir.is