Hvernig fannst þér Ljósanótt?

Talið er að yfir 30 þúsund gestir hafi tekið þátt í Ljósanótt sem fór nú loksins fram eftir þriggja ára hlé. Það leyndi sér ekki að fólk naut þess svo sannarlega að geta komið saman á nýjan leik og ekki spillti fyrir að veðurguðirnir léku við hvern sinn fingur alla hátíðina.

Á annað hundrað viðburði var að finna í fjögurra daga viðburðaveislu Ljósanætur sem stóð frá fimmtudegi til sunnudags og bauð upp á eitthvað fyrir alla. Þá var einstakt að sjá samtakamáttinn hjá öllum þeim einstaklingum, félögum og fyrirtækjum sem stóðu fyrir viðburðum og annarri dagskrá eða studdu við hátíðina með einum eða öðrum hætti. Öllum þeim eru færðar sérstakar þakkir. Það er engin spurning að hátíðin er gríðarleg lyftistöng fyrir samfélagið okkar á ótal marga vegu.

Um leið og við þökkum frábærar móttökur á Ljósanótt 2022 viljum við gjarnan fá að heyra hvað ykkur fannst með því að taka þátt í örstuttri könnun. 

Allar góðar ábendingar eru vel þegnar við undirbúning næstu Ljósanætur sem fram fer 31. ágúst til 3. september 2023.

Smelltu á könnunina