Loftrýmisgæsla Atlantshafsbandalagsins að hefjast

Loftrýmisgæsla Atlantshafsbandalagsins hefst senn og mun standa fram eftir ágústmánuði. Ljósmynd: L…
Loftrýmisgæsla Atlantshafsbandalagsins hefst senn og mun standa fram eftir ágústmánuði. Ljósmynd: Landhelgisgæslan

Loftrýmisgæsla Atlantshafsbandalagsins við Ísland er að hefjast að nýju með komu flugsveitar bandaríska flughersins. Alls munu allt að 110 liðsmenn Bandaríska flughersins taka þátt í verkefninu og til viðbótar starfsmenn frá stjórnstöð NATO í Uedem, Þýskalandi (Combined Air Operations Center). Flugsveitin verður staðsett á öryggissvæðinu á Keflavíkurflugvelli og kemur til landsins með fimm F16 orrustuþotur. Greint var frá á vef Landhelgisgæslunnar

Verkefnið verður framkvæmt með sama fyrirkomulagi og fyrri ár og í samræmi við loftrýmisgæsluáætlun NATO fyrir Ísland.  Gert er ráð fyrir aðflugsæfingum að varaflugvöllum á Akureyri og Egilsstöðum á tímabilinu 29. til 31. júlí. 

Verkefnið er framkvæmt af Landhelgisgæslu Íslands í samvinnu við Isavia. Ráðgert er að verkefninu ljúki fyrir lok ágúst.