Myllubakkaskóli í samstarfi við skóla í Danmörku

Tekist á í reiptogi.
Tekist á í reiptogi.

Nemendur Myllubakkaskóla sækja Dani heim

Mánudaginn 8. október héldu 33 nemendur 10. bekkjar og 3 kennarar til Danmerkur.

Ferðinni er heitið til Aarup á Fjóni þar sem heimsóttur verður skóli sem Myllubakkaskóli er í samstarfi við.  Nemendur munu gista á heimilum danskra nemenda og fylgja þeim í skóla og aðra viðburði alla vikuna. Bæði verða hefðbundnir skóladagar og óhefðbundnir.  Nemendur munu t.d. heimsækja H. C. Andersen Hus í Odense og einnig skoða listasafn þar. 

Ýmis verkefni hafa verið unnin í aðdraganda ferðarinnar og eru nemendur í 5 manna vinnuhópum sem 2 Íslendingar og 3 Danir skipa. Þau hafa m.a. unnið að kynningu á fermingarsiðum í báðum löndum og munu kynna sín verkefni þegar út er komið. Á heimleiðinni verður stoppað í Kaupmannahöfn og þar verða Tívolí, Strikið og margir aðrir markverðir staðir skoðaðir. 

Verkefnið og samskiptin við dönsku krakkana halda svo áfram í allan vetur og enda á að Danirnir koma hingað til okkar í maí nk.