Tilboð í viðbyggingu við Skógarbraut 932 opnuð

Tilboð voru opnuð kl. 11:00 mánudaginn 29. janúar. Hér má sjá niðurstöður við opnun tilboða.

Reykjanesbær óskar eftir tilboðum í um 585 m²  viðbyggingu við núverandi byggingu að Skógarbraut 932 í Reykjanesbæ. Um er að ræða leikskólabyggingu.

Verkið er fólgið í útvegun og byggingu viðbyggingar sem skal vera úr einingum sem auðvelt er að reisa og taka niður til uppsetningar annarsstaðar.

Verkkaupi sér um jarðvinnu, lagningu lagna í grunn og uppsteypu undirstaða sem og frágang á lóð. Byggingin og efni skal uppfylla allar kröfur reglugerða og staðla sem gerð eru fyrir byggingu til þessara nota, eins og nánar er getið í útboðsgögnum fyrir verkið.

Útboðsgögn eru afhent á rafrænu formi frá mánudeginum 15. janúar 2018.

Tilboð skulu hafa borist á skrifstofur umhverfissviðs Reykjanesbæjar að Tjarnargötu 12 í Reykjanesbæ fyrir kl. 11:00 mánudaginn 29. janúar 2018 og verða tilboð opnuð þar á sama tíma að viðstöddum þeim bjóðendum sem þess óska.

Fylgiskjal 1 - Skógabraut 932, áfangi 2

Fylgiskjal 2 - Skógarbraut 932, útboðs og verklýsing

Fylgiskjal 3 - Skógarbraut 932, tilboðsblað