Búið að setja rúmlega 100 milljónir í malbikunarframkvæmdir í sumar og þá er Smáratún ekki með talið. Smáratún hefur algjörlega gengið í endurnýjun lífdaga í sumar, í samstarfi við HS Veitur. Allt burðarefni verður endurnýjað, allar lagnir sem og yfirborð götu. Þær framkvæmdir standa enn.

Þær götur sem hafa fengið nýtt malbiksyfirlag í Reykjanesbæ eru:

• Veturgata, frá Túngötu að Heiðarbraut
• Hringbraut, frá Aðalgötu að Skólavegi og frá gatnamótum við þjóðbraut
• Tjarnargata frá Kirkjuvegi að Hringbraut
• Vallarbraut, að leikskólanum Hjallatúni
• Fitjabraut, frá Sjávargötu að Fitjabraut 30
• Njarðarbraut, frá Bergási fram yfir gatnamót við Stekk

Þá hafa umtalsverðar endurbætur verið gerðar á malbiksyfirlagi Reykjanesbrautar í umsjón Vegagerðarinnar.