Á fundi Umhverfis- og skipulagsráðs þann 3.maí sl. var samþykkt um djúpgámalausnir í Reykjanesbæ einróma samþykkt.

Samþykktin var svo staðfest á fundi bæjarstjórnar þann 7.maí sl. Samþykkt þessi er ætluð hverjum þeim sem áhuga hafa á að koma fyrir djúpgámum á lóð sinni og tekur til ferlisins frá hugmyndastigi og þar til djúpgámar eru teknir í notkun. Djúpgámalausnir koma í stað hefðbundinna sorptunna en í stað þess að vera á yfirborðinu er meiri hluti þeirra grafinn niður og því um mjög snyrtilega lausn að ræða.

Nú þegar hafa verið teknir í notkun djúpgámar í Reykjanesbæ eins og sjá má í þessari frétt hér og fleiri slíkir væntanlegir á næstu misserum.

Við hvetjum alla þá sem hafa áhuga á að kynna sér þessa lausn að lesa vel yfir samþykktina til þess að tryggja að farið sé í einu og öllu eftir því sem þar kemur fram. Samþykktina er að finna hér