Viðtal hjá ráðgjöfum velferðarsviðs nú pantað á vefnum

Nú er hægt að óska eftir viðtali hjá ráðgjafa á velferðarsviði á heimasíðu Reykjanesbæjar. Viðbótin er hluti af umbótaverkefninu Sterk framlína í krafti fjölbreytileikans þar sem notendavæn þjónusta er höfð í fyrirrúmi.

Leiðin er ætluð þeim sem óska eftir fyrsta viðtali hjá ráðgjafa á velferðarsviði. Sérfræðingur í framlínuþjónustu úthlutar ráðgjafa eftir erindi, í framhaldi er haft samband við viðkomandi og tími er bókaður. Hægt er að óska eftir túlk í viðtalið ef þess þarf.

Hér má finna eyðublað fyrir beiðni um viðtal hjá ráðgjafa ásamt upplýsingum um félagslega ráðgjöf.