Útboðsgögn eru tilbúin. Þeir sem áhuga hafa á að bjóða í verkið Raflangir 1. áfangi  Holtaskóli Reykjanesbæ, geta fengið þau send með því að senda ósk þar um á omr@omr.is.

Á dögunum undirritaði Kjartan Már bæjarstjóri og Ásmundur Einar Daðason, mennta- og barnamálaráðherra samning um styrk við gerð foreldrafærninámskeiðs fyrir flóttafólk í sveitarfélaginu í samstarfi við Barna- og fjölskyldustofu.

Á næstu dögum verða sendir út álagningarseðlar til íbúa Reykjanesbæjar. Eins og undanfarin ár verða gjöld vegna hirðu og meðhöndlunar úrgangs innheimt samhliða. Sú breyting hefur orðið á að nú er innheimt eftir því rúmmáli sem íbúar hafa til umráða við sín hús en ekki föst gjöld.

Sem hluti af innleiðingu Barnasáttmála Sameinuðu þjóðanna hefur verið innleiddur tilkynningarhnappur í allar spjaldtölvur grunnskóla Reykjanesbæjar.

Vilt þú sækja um styrk í spennandi menningarverkefni? Auglýst eftir umsóknum í Menningarsjóð Reykjanesbæjar Auglýst er eftir umsóknum um tvenns konar styrki sjóðsins. Annars vegar er um að ræða þjónustusamninga við menningarhópa og hins vegar verkefnastyrki til menningartengdra verkefna. Umsóknum þarf að skila rafrænt í síðasta lagi 11. febrúar nk. í gegnum Mitt Reykjanes. Eftir innskráningu er smellt á Umsóknir á forsíðu og svo á viðeigandi umsókn undir Stjórnsýsla – Menningarmál.

María Petrína Berg hefur verið ráðin leikskólastjóri nýs leikskóla við Drekadal í Reykjanesbæ.

Viltu taka þátt í að halda upp á 30 ára afmæli sveitarfélagsins? Opnað hefur verið fyrir umsóknir í afmælissjóð Reykjanesbæjar.

Reykjanesbær vinnur nú að umferðaröryggisáætlun fyrir sveitarfélagið. Markmið áætlunar er að búa til aðgerðaráætlun til að vinna að bættu umferðaröryggi í bænum, fækka slysum og auka lífsgæði bæjarbúa sem og annarra sem ferðast um bæinn.

Þrettándagleði verður haldin í Reykjanesbæ laugardaginn 6. janúar 2024. Hátíðin hefst kl. 17:00 með blysför frá Myllubakkaskóla þar sem gengið verður í fylgd álfakóngs, drottningar og hirðar þeirra að hátíðarsvæði við Hafnargötu 12. Foreldrar eru hvattir til að leyfa börnunum að taka virkan þátt í gleðinni með því að klæða sig upp í ýmis gervi, jafnvel púkagervi en einnig hvetjum við fólk til að mæta með luktir í blysförina til að lýsa upp gönguna.