Íslenska (english below)
Hægt er að sækja um styrk til Reykjanesbæjar vegna íþrótta- og tómstundastarfs barna. Hann er veittur vegna barna sem eru fædd á árunum 2005-2014 og búa á heimilum þar sem heildartekjur framfærenda, einstaklings, hjóna eða sambúðarfólks, voru að meðaltali lægri en 740.000 krónur á mánuði á tímabilinu mars – júlí 2020. Styrkurinn er 45.000 krónur fyrir hvert barn.

Það er einnig hægt að sækja um 40.000 króna Hvatagreiðslur vegna  barna á aldrinum 6 til 18 ára til niðurgreiðslu á viðurkenndu íþrótta,- tómstunda- og listgreinastarfi.

Það er svona einfalt að sækja um viðbótar íþrótta- og tómstundastyrk

1. Þú skráir þig inn á Ísland.is með rafrænum skilríkjum og samþykkir að upplýsingar um tekjur séu sóttar til skattayfirvalda (RSK) svo hægt sé að staðfesta að heimilið falli undir tekjuviðmiðið. Athugið að sé um hjón/sambúðarfólk að ræða þurfa báðir aðilar að samþykkja.
2. Ef þú færð svar um að þú eigir rétt á styrk ferðu sjálfkrafa inn á umsóknarsíðu um styrkinn.

Mikilvægar upplýsingar

• Það er hægt að sækja um styrk til og með 15. apríl 2021
• Miðað er við að íþrótta- og tómstundaiðkunin fari fram á skólaárinu 2020-2021.
• Fyrirspurnum um styrkinn skal beint á reykjanesbaer@reykjanesbaer.is en einnig er hægt að hringja í þjónustuver Reykjanesbæjar í síma 421-6700 með fyrirspurnir og óska eftir aðstoð við að sækja um styrkinn.

sækja um styrk!

Barn sem er ekki í skipulögðu frístundastarfi

Ef barnið þitt er ekki í skipulögðu íþrótta-, tómstunda- eða æskulýðsstarfi þá hvetjum við þig til fara inn á Frístundavef Reykjaness og kynna þér það fjölbreytta barnastarf sem boðið er upp á. Allir með! verkefnið hefur látið útbúa myndbönd sem finna má inni á síðunni þar sem allt frístundastarf er kynnt.