Tendrun ljósanna á vinabæjarjólatrénu frá Kristiansand í Noregi fer fram laugardaginn fyrir fyrsta sunnudag í aðventu ár hvert. Undantekning er gerð í ár 2018, vegna 100 ára afmælisfagnaðar í tilefni af fullveldi Íslands og því verður tendrunin sunnudaginn 2. desember kl. 17 í þetta sinn.
Segja má að þessi viðburður marki upphaf jólaundirbúnings í bæjarfélaginu. Stutt dagskrá fer fram á Tjarnargötutorgi af því tilefni þar sem sendiherra Noregs á Íslandi afhendir tréð formlega. Jólasveinar bregða á leik með börnunum og dansa með þeim í kringum jólatréð og gestum er boðið upp á heitt kakó og piparkökur.
Á aðventunni er boðið upp á ýmis konar dagskrá fyrir börn og fjölskyldur á vegum stofnana bæjarins m.a. í Duus Safnahúsum og á Bókasafni Reykjanesbæjar.
Þá eru jólin kvödd með þrettándahátíð.
Hér má sjá jóladagskrá í Reykjanesbæ 2018
Fimmtudagur 23. nóvember kl. 16.30 : Bókasafn
Bókakonfekt barnanna – upplestur fyrir börn. Höfundar lesa upp úr barnabókum sem koma út fyrir jólin. Tónlistaratriði frá Tónlistarskóla Reykjanesbæjar.
Fimmtudagur 29. nóvember kl. 20.00 : Bókasafn
Bókakonfekt – upplestrarkvöld fyrir fullorðna. Þrír höfundar lesa upp úr jólabókunum 2018.
Föstudagur 30. nóvember kl. 16.30 : Bókasafn
Bókabíó. Jólamyndin The Polar Express sýnd í miðju bókasafnsins. Myndin hentar fyrir börn frá 6 ára aldri.
Laugardagur 1.desember- 6.janúar kl. 12.00-17.00: Duus Safnahús
Jólasveinaratleikur og óskalistar til jólasveinanna. Á aðventunni, frá 1. desember, stendur fjölskyldum til boða að fara í ratleik í Bryggjuhúsinu og leita að gömlu jólasveinunum sem hafa falið sig hér og þar um húsið. Þá er hægt og biðja Skessuna í hellinum um að koma óskalista til jólasveinanna.
Laugardagur 1.desember kl. 16.00 : Duus Safnahús
Sveitarfélögin á Suðurnesjum bjóða til fagnaðar í Bíósal Duus Safnahúsa í tilefni 100 ára afmælis fullveldis Íslands. Frásagnir, tónlist og gamanmál (Ari Eldjárn).
Sunnudagur 2. desember kl. 14.00-16.00: Duus Safnhús
Skreytum saman í Bryggjuhúsi. Fjölskyldur búa til kramarhús, músastiga og jólahjörtu til að skreyta Stofuna í Duus fyrir gamaldags jólaball í anda Duusverslunarinnar sem haldið verður 9.desember.
Sunnudagur 2.desember kl. 17.00: Tjarnargötutorg
Tökum fagnandi á móti aðventunni með tendrun ljósanna á vinabæjarjólatrénu frá Kristiansand á Tjarnargötutorgi. Jólatónlist, skemmtiatriði fyrir börnin, jólasveinar, heitt kakó og piparkökur.
Sunnudagur 9.desember kl. 14.00 -15.00: Duus Safnahús
Jólatrésskemmtun í stíl við þær sem voru haldnar í Bryggjuhúsi Duus fyrir 100 árum. Sungið og dansað í kringum jólatré, íslenskur jólasveinn og eitthvað gott í kramarhúsi.
Fimmtudagurinn 13. desember kl. 16.30: Bókasafn
Gítartónleikar á vegum Tónlistarskóla Reykjanesbæjar.
Vikan 17.-22. desember: Bókasafn
Fjölbreytt jólaföndur á hverjum degi fyrir alla fjölskylduna.
Sunnudagur 6. janúar kl. 17.00: Hátíðarsvæði við Hafnargötu 12
Þrumandi þrettándagleði. Blysför frá Myllubakkaskóla, gengið að hátíðarsvæði við Hafnargötu í fylgd álfa og púka þar sem Grýla gamla tekur á móti gestum. Brenna og flugeldasýning og heitt kakó og piparkökur til að halda hita á mannskapnum.