Menningarkort

Reykjanesbær býður nú til sölu sérstök Menningarkort Reykjanesbæjar sem auðvelda íbúum og gestum að njóta menningar á hagkvæmari máta en annars væri. 

Menningarkortið kostar kr. 3.500 og er til sölu á þeim þremur stöðum sem þau gilda inn á, í Duus Safnahúsum, Rokksafni Íslands og Bókasafni Reykjanesbæjar. Kortin gilda sem bókasafnskort og aðgöngumiðar að hinum söfnunum tveimur allt árið 2017 en einnig veita þau 10 % afslátt í safnbúðunum og afslátt á ýmsa viðburði, sýningar og þjónustu á vegum menningarhópa og stofnana í bæjarfélaginu. Nánari afláttarkjör má lesa um hér jafn óðum og þau eru gerð.

 Aðgangseyrir í Duus Safnahús og Rokksafn Íslands er nú kr. 1.500 og bókasafnskort kostar kr. 1.850 þannig að Menningarkortið gefur góðan afslátt.

Íbúar eru hvattir til að verða sér úti um menningarkort og fá þannig ókeypis aðgang að söfnunum út árið.