Íbúar Reykjanesbæjar eru margir sannkölluð jólabörn og leggja mikinn metnað í að skreyta heimili sín á aðventunni. Einnig eru fjölmörg fyrirtæki og verslanir sem leggja sig fram við að lýsa bæinn upp með fallegum jólagluggum og utanhússkreytingum.

Markmið verkefnisins er að vekja athygli á þessum framtaki íbúa og fyrirtækja, sýna þeim þakklæti og stuðla að lifandi og hlýlegu mannlífi í bænum í skammdeginu.

Þess vegna blásum við til lauflétts jólaleiks þar sem íbúar geta tilnefnt jólahús og jólafyrirtæki/jólaverslun Reykjanesbæjar 2025.

Svona tekur þú þátt

Ef þú rekst á sérstaklega fallegt jólaskreytt hús eða fyrirtæki:

• Taktu mynd

• Skráðu götuheiti og númer / nafn fyrirtækis

• Sendu inn tilnefningu hér með myndum og upplýsingum

Tekið er við tilnefningum til og með 16. desember.

Menningar- og þjónusturáð Reykjanesbæjar fer yfir innsendar tillögur og velur sigurvegara.
Afhending viðurkenninga fer fram í Aðventugarðinum á Þorláksmessu, þar sem vinningshafar hljóta viðurkenningar og vinninga í boði Reykjanesbæjar og Húsasmiðjunnar í Reykjanesbæ, sem styrkir verkefnið með gjafabréfum.