Upplýsingar frá Vegagerðinni

Vegagerðin hefur kynnt breytingar á leiðakerfi landsbyggðarvagna sem taka gildi 1. janúar 2026. Breytingarnar snerta meðal annars ferðir til og frá Reykjanesbæ.

Helstu breytingar á Suðurnesjum

Nýjar akstursleiðir sem tengjast Reykjanesbæ :

• 55 – KEF flugvöllur – Höfuðborgarsvæðið

• 87 – Vogar – Miðstöð Reykjanesbæjar

• 89 – Garður – Sandgerði – Miðstöð Reykjanesbæjar

Breytingarnar fela meðal annars í sér:

• Leið 89 ekur nú upp að Keflavíkurflugvelli.

• Leið 55 tengist inn­an­bæjarkerfi Reykjanesbæjar í Miðstöð.

• Leið 55 verður skilvirkari tenging milli Reykjanesbæjar og höfuðborgarsvæðisins, með betra samspili við tímatöflur innanbæjar.

• Góð tenging við höfuðborgarvagna t.d. í Hafnarfirði, Garðabæ og á Miklubraut, þar sem tíðni er allt að á 10 mínútna fresti.

• Auðveldara verður að ferðast með reiðhjól í tengslum við tímasetningar á leið 55.

Af hverju eru breytingarnar gerðar?

• Núverandi leiðakerfi er 13 ára gamalt og hefur ekki fylgt uppbyggingu og breyttu byggðamynstri.

• Nýtt kerfi byggir á núverandi grunni en er endurhannað til að bæta þjónustu og samræmi milli landshluta.

• Breytingarnar styðja stefnu stjórnvalda um betri almenningssamgöngur og tengingu milli sveitarfélaga.

Nánari upplýsingar

Öll uppfærð leiðakerfi og tímatöflur verða aðgengileg á www.straeto.is.