Jólaljósin á jólatré Aðventugarðsins voru tendruð í gær að viðstöddum miklum fjölda gesta sem tóku þátt í Aðventuljósagöngu með Bjúgnakræki og Grýlu gömlu.

Nú verður opið í garðinum allar helgar til jóla frá kl. 14-17 og á Þorláksmessu frá kl. 18-21. Því er ómissandi að líta við og taka inn anda jólanna, taka þátt í skemmtilegri dagskrá, smella sér í ratleik, ylja sér með heitu kakói og öðru góðgæti og gera góð kaup í jólakofunum. Þá er líka um að gera að bregða undir sig betri fætinum og skella sér á skauta undir tindrandi ljósum á Aðventusvellinu.

Allar upplýsingar um dagskrá er að finna hér!