Á Reykjanesskaganum eru þrjú sveitarfélög sem standa nálægt Reykjanesbæ, Sveitarfélagið Suðurnesjabær (Garður og Sandgerði), Grindavík og Vogar. Bæjarfélögin eiga með sér samvinnu og samráð í hinum ýmsu málum og starfa þá undir hatti Sambands sveitarfélaga á Suðurnesjum (SSS).

Tilgangur SSS er að vinna að hagsmunamálum sveitarfélaganna og efla og styrkja samstarf þeirra. Í sameiginlegum málum komi það fram fyrir hönd sveitarfélaganna gagnvart ríkisvaldinu og öðrum. Skrifstofa SSS annast samræmingu á fjárhags- og framkvæmdaáætlun sameiginlegra rekinna fyrirtækja og stofnana s.s.: Kalka - Sorpeyðingarstöð Suðurnesja sf.,  Heilbrigðiseftirlit Suðurnesja og Brunavarnir Suðurnesja, einnig almannavarnir.

Reykjanesskaginn er í dag geopark og hluti af verndaráætlun Unesco eða Unesco Global Geopark.