293. fundur atvinnu- og hafnarráðs Reykjanesbæjar var haldinn á skrifstofu Reykjaneshafnar að Víkurbraut 11 þann 23. janúar 2025, kl. 16:00

Viðstaddir: Hjörtur Magnús Guðbjartsson formaður, Alexander Ragnarsson, Valgerður Pálsdóttir, Sigurður Guðjónsson og Jón Már Sverrisson.
Að auki sat fundinn Halldór Karl Hermannsson, sviðsstjóri atvinnu- og hafnarsviðs.
Kristján Jóhannsson boðaði forföll og sat Valgerður Pálsdóttir fundinn í hans stað.

1. Ársreikningur Reykjaneshafnar 2024 (2025010261)

Farið var yfir stöðu endurskoðunar á ársreikningi Reykjaneshafnar vegna ársins 2024.

2. Starfsáætlun atvinnu- og hafnarsviðs 2025 (2024120136)

Farið var yfir starfsáætlun atvinnu- og hafnarsviðs fyrir árið 2025.

Atvinnu- og hafnarráð samþykkir fyrirliggjandi starfsáætlun.

Fylgigögn:

Starfsáætlun atvinnu- og hafnarsviðs 2025

3. Samráðsnefnd ATH og USK (2025010264)

Farið var yfir þau mál sem til umfjöllunar eru hjá samráðsnefnd atvinnu- og hafnarráðs og umhverfis- og skipulagsráðs.

4. Njarðvíkurhöfn – dýpkun hafnar (2023080391)

Farið yfir stöðuna á framkvæmdum við Njarðvíkurhöfn

5. Helguvíkurhöfn – Suðurbakki (2024040273)

Farið yfir stöðuna varðandi fyrirhugaðar framkvæmdir á Suðurbakka Helguvíkurhafnar.

6. Helguvíkurhöfn – Norðurbakki (2025010265)

Farið yfir minnisblað Portum verkfræðistofu um nauðsynlegar úrbætur á Norðurbakka Helguvíkurhafnar.

7. HB64 - grænn vistiðngarður (2023100396)

Farið yfir stöðuna í verkefninu HB64 – grænn vistiðngarður.

8. Nordic Port Group AB (2025010292)

Lagðar fram hugmyndir Nordic Port Group AB um samstarf við Reykjaneshöfn varðandi markaðssetningu Keflavíkurhafnar fyrir smærri skemmtiferðaskip.

Atvinnu- og hafnarráð tekur jákvætt í þessar hugmyndir og felur Halldóri K. Hermannssyni, sviðsstjóra atvinnu- og hafnarsviðs, að vinna áfram í málinu í samræmi við umræður á fundinum.

9. Tryggingar Reykjaneshafnar 2025 (2025010266)

Lagt fram minnisblað frá Consello, löggiltum vátryggingarmiðlara, um yfirferð á vátryggingum hafnarinnar vegna ársins 2025, en meðaltalshækkun tryggingar Reykjaneshafnar milli áranna 2024 og 2025 er 5,1%. Samningi Reykjaneshafnar við TM tryggingar hf. varðandi vátryggingar lýkur þann 31. desember nk. og verður farið í útboð á tryggingum hafnarinnar á árinu í samstarfi við Reykjanesbæ.

10. Bréf Fiskistofu frá 9. desember 2024 (2025010267)

Bréf Fiskistofu dags. 09.12.24 þar sem tilkynnt er hver hlutur Reykjaneshafnar er í sérstöku strandveiðigjaldi sem innheimt er af strandveiðibátum ár hvert.

Fylgigögn:

Bréf Fiskistofu frá 9. desember 2024

11. Aalborg Portland Ísland (2025010268)

Lögð fram drög að samkomulagi milli Reykjaneshafnar og Aalborg Portland Ísland ehf. varðandi fyrirkomulag á greiðslu vörugjalda á innfluttu sementi um Helguvíkurhöfn árið 2025.

Atvinnu- og hafnarráð samþykkir fyrirliggjandi drög að samkomulagi og felur Halldóri K. Hermannssyni, sviðsstjóra atvinnu- og hafnarsviðs, að undirrita það.

12. Stakksbraut 15 (2023080404)

Tölvupóstur dags. 17.01.2025 frá skipulagsfulltrúa Reykjanesbæjar þar sem óskað er eftir umsögn um breytingu á byggingarreit lóðarinnar Stakksbraut 15 við Norðurbakka Helguvíkurhafnar í samræmi við fyrirliggjandi lóðarblað.

Atvinnu- og hafnarráð samþykkir fyrir sitt leyti viðkomandi breytingu á byggingarreit lóðarinnar.

13. Stefna um starfsmannaíbúðir á Suðurnesjum – beiðni um umsögn (2024080039)

Gunnar K. Ottósson skipulagsfulltrúi Reykjanesbæjar mætti á fundinn undir þessum dagskrálið.

Umhverfis- og skipulagsráð Reykjanesbæjar hefur óskað eftir umsögn um drög að stefnu um starfsmannaíbúðir á Suðurnesjum, sem er samstarfsverkefni Reykjanesbæjar og Suðurnesjabæjar. Fór Gunnar yfir helstu þætti sem felast í stefnunni og þær forsendur sem eru til grundvallar í gerð hennar.

Atvinnu- og hafnarráð þakkar fyrir framkomnar upplýsingar og stefnir að umsögn um stefnuna á næsta fundi ráðsins.

14. Hafnasamband Íslands (2024020132)

Fundargerð 468. fundar stjórnar Hafnasambands Íslands frá 6. desember sl. lögð fram.

Fylgigögn:

Fundargerð stjórnar Hafnasambands Íslands 6. desember 2024

15. Cruise Iceland (2024020131)

Fréttabréf Cruise Iceland frá desember 2024 lagt fram.

Fylgigögn:

Fréttabréf Cuise Iceland - desember 2024

16. Mælaborð atvinnu- og hafnarsviðs (2025010263)

Halldór K. Hermannsson, sviðsstjóri atvinnu- og hafnarsviðs, fór yfir mælaborð sviðsins.

17. Upplýsingagjöf sviðsstjóra (2025010262)

Halldór K. Hermannsson, sviðsstjóri atvinnu- og hafnarsviðs, fór yfir stöðu ýmissa mála er varða starfsemi sviðsins.

Fleira ekki gert og fundi slitið kl. 18:28.Fundargerðin fer til afgreiðslu bæjarstjórnar 4. febrúar 2025.