301. fundur atvinnu- og hafnarráðs Reykjanesbæjar haldinn á skrifstofu Reykjaneshafnar að Víkurbraut 11, 22. október 2025, kl. 16:00

Viðstaddir: Hjörtur Magnús Guðbjartsson formaður, Alexander Ragnarsson, Halldór Rósmundur Guðjónsson, Sigurður Guðjónsson og Jón Már Sverrisson.

Að auki sat fundinn Halldór Karl Hermannsson, sviðsstjóri atvinnu- og hafnarsviðs.

Kristján Jóhannsson boðaði forföll og sat Halldór Rósmundur Guðjónsson fundinn í stað hans.

1. Fjárhagsáætlun ársins 2026 (2025060320)

Farið yfir drög að rekstrar- og fjárfestingaáætlun ársins 2026.

2. Njarðvíkurhöfn – dýpkun hafnar og skjólgarður (2023080391)

Farið var yfir stöðuna á framkvæmdum við Njarðvíkurhöfn, en þeim hluta sem snýr að dýpkun hafnarinnar er nú lokið. Lögð voru fram drög að útboði á byggingu skjólgarðs sem lagður verður út sunnan við athafnasvæði Skipasmíðastöðvar Njarðvíkur.

Atvinnu- og hafnarráð fagnar þeim áfanga í uppbyggingu Njarðvíkurhafnar sem náð er með dýpkun hafnarinnar. Næsti áfangi í þeirri uppbyggingu er bygging á skjólgarði fyrir sunnan höfnina og felur ráðið Halldóri K. Hermannssyni sviðsstjóra atvinnu- og hafnarsviðs að setja það verk í útboð á grundvelli meðfylgjandi útboðsgagna.

Fylgigögn:

Njarðvíkurhöfn - dýpkun

3. Helguvíkurhöfn – Suðurbakki (2024040273)

Lagt fram samstarfssamkomulag milli utanríkisráðuneytisins, Landhelgisgæslu Íslands, Reykjanesbæjar og Reykjaneshafnar um uppbyggingu eldsneytisbirgðastöðvar og hafnaraðstöðu í Helguvík sem til stendur að undirrita þann 4. nóvember nk.

Atvinnu- og hafnarráð samþykkir fyrirliggjandi samkomulag og felur Halldóri K. Hermannssyni sviðsstjóra atvinnu- og hafnarsviðs að undirrita samkomulagið.

4. Keflavíkurhöfn – uppbygging (2025090344)

Farið yfir hugmyndir um uppbyggingu á Vatnsnesinu upp af Keflavíkurhöfn.

5. Samráðsnefnd atvinnu- og hafnarráðs og umhverfis- og skipulagsráðs (2025010264)

Farið yfir drög að deiliskipulagi sem verið er að vinna varðandi uppland og nágrenni Njarðvíkurhafnar.

6. Skemmtiferðaskip (2025020389)

Lagt fram skjal frá Cruise Iceland með samanburði á skattlagningu á farþega skemmtiferðaskipa í hinum ýmsu löndum í norður Evrópu árið 2025.

Atvinnu- og hafnarráð beinir því til viðeigandi stjórnvalda að núverandi skattlagning á farþega skemmtiferðaskipa á Íslandi verði endurskoðuð þannig að hún verði sanngjarnari og fyrirsjáanlegri í framtíðinni.

Fylgigögn:

Samanburður á sköttum farþega skemmtiferðaskipa

7. Hólmbergsbraut - geymslusvæði (2025080302)

Reykjaneshöfn er að byggja upp geymslusvæði á iðnaðarsvæðinu í Helguvík þar sem eigendum smærri báta gefst kostur á að geyma, gegn mánaðarlegu gjaldi, bát og/eða bátakerru ef þannig hentar. Viðkomandi svæði verður upplýst, afgirt og aðgangsstýrt. Lögð voru fram drög að leigusamningi vegna viðkomandi leiguaðstöðu ásamt skilmálum sem liggja til grundvallar leigusamningum.

Atvinnu- og hafnarráð lýsir ánægju sinni yfir að nýtt geymslusvæði hafnarinnar sé að komast í notkun og samþykkir viðkomandi drög að leigusamningi vegna svæðisins ásamt skilmálum hans.

8. Hafnasamband Íslands – Hafnafundur 2025 (2025090346)

Lögð fram dagskrá Hafnafundar 2025 sem fram fer í Ólafsvík á morgun, fimmtudaginn 23. október.

Fylgigögn:

Hafnafundur 2025 - dagskrá

9. Upplýsingagjöf sviðsstjóra (2025010262)

Halldór K. Hermannsson, sviðsstjóri atvinnu- og hafnarsviðs, fór yfir stöðu ýmissa mála er varða starfsemi sviðsins.

Fleira ekki gert og fundi slitið kl. 17:28. Fundargerðin fer til afgreiðslu bæjarstjórnar 4. nóvember 2025.