1482. fundur bæjarráðs Reykjanesbæjar, haldinn á Tjarnargötu 12, 12. september 2024, kl. 08:15

Viðstaddir: Halldóra Fríða Þorvaldsdóttir formaður, Díana Hilmarsdóttir, Guðný Birna Guðmundsdóttir, Margrét A. Sanders og Valgerður Björk Pálsdóttir.

Að auki sátu fundinn Kjartan Már Kjartansson bæjarstjóri, Margrét Þórarinsdóttir áheyrnarfulltrúi og Hrefna Gunnarsdóttir ritari.

Bjarni Páll Tryggvason boðaði forföll, Díana Hilmarsdóttir sat fyrir hann.

1. Fjárhagsáætlun 2025-2028 (2024050440)

Umræður um fjárhagsáætlun Reykjanesbæjar.

2. Græna planið - heildarstefna Reykjavíkurborgar (2024050440)

Guðný Birna Guðmundsdóttir formaður sjálfbærniráðs kynnti málið.

Í framtíðarsýn Reykjavíkurborgar um græna borg eru tekin fyrir atriði eins og aðlögun að loftslagsbreytingum, hvernig vinna má að samdrætti í losun gróðurhúsalofttegunda o.s.frv.

Bæjarráð tekur jákvætt í erindið og felur formanni sjálfbærniráðs að vinna frekar í málinu.

3. Umhverfis- og loftslagsmál - þróun mælaborðs (2023090352)

Sjálfbærniráð bókaði á fundi sínum 26. ágúst að þróa mælaborð sem gefur upplýsingar um mál sem varða umhverfi sveitarfélagsins s.s. úrgangsmál.

4. Breytingar á skipan fulltrúa í nefndum og stjórnum (2024010091)

Bæjarráð skipar Valgerði Björk Pálsdóttur sem varamann í stjórn Reykjanes jarðvangs, GeoPark, í stað Þórdísar Ó. Helgadóttur sem látið hefur af störfum. Kjartan Már Kjartansson bæjarstjóri er aðalmaður í stjórn Reykjanes jarðvangs, GeoPark.

5. Aðalfundur Samtaka orkusveitarfélaga 9. október 2024 (2024090259)

Lagt fram aðalfundarboð frá Samtökum orkusveitarfélaga.

6. Fundargerð stjórnar Samtaka orkusveitarfélaga 16. ágúst 2024 (2024010259)

Lögð fram til kynningar fundargerð stjórnar Samtaka orkusveitarfélaga.

Fylgigögn:

Fundargerð Samtaka orkusveitarfélaga - nr. 74

7. Fundargerð stjórnar Almannavarna Suðurnesja utan Grindavíkur 29. ágúst 2024 (2024040365)

Lögð fram til kynningar fundargerð stjórnar Almannavarna Suðurnesja utan Grindavíkur.

Fylgigögn:

Fundargerð Almannavarna Suðurnesja utan Grindvíkur 71 29082024
2024 08 29A Almannavarnanefnd Suðurnesja Loftgæðamál
Almannaverndarnefnd utan Grindavíkur-20240828

8. Veikindaleyfi bæjarstjóra (2024090277)

Bæjarráð móttekur tilkynningu um veikindaleyfi Kjartans Más Kjartanssonar bæjarstjóra.

Í fram lögðu erindi, dags. 10. september sl., kemur fram að samkvæmt læknisvottorði verði hann óvinnufær að hluta frá og með 15. september n.k. Samkvæmt læknisvottorði er óvíst hversu lengi hann verði óvinnufær en hann hefur óskað eftir því að fá að sinna veigaminni verkefnum í samráði við staðgengil sinn.

Bæjarráð samþykkir 5-0 að Halldóra Fríða Þorvaldsdóttir, formaður bæjarráðs og staðgengill bæjarstjóra muni
sinna starfi bæjarstjóra í fjarveru Kjartans Más.

Bæjarráð samþykkir 5-0 að bæjarstjóri sinni ýmsum smærri verkefnum í veikindaleyfinu í samráði við staðgengil sinn.

Fleira ekki gert og fundi slitið kl. 8:50. Fundargerðin fer til afgreiðslu bæjarstjórnar 17. september 2024.