14.12.2021 16:30

156. fundur íþrótta- og tómstundaráðs Reykjanesbæjar, haldinn á bæjarskrifstofu Reykjanesbæjar Tjarnargötu 12, þriðjudaginn 14. desember 2021 kl. 16.30.

Viðstaddir: Eva Stefánsdóttir formaður, Birgitta Rún Birgisdóttir, Birgir Már Bragason, Jón Haukur Hafsteinsson og Alexander Ragnarsson.
Guðbergur Reynisson formaður ÍRB, Helgi Arnarson sviðsstjóri fræðslusviðs og Hafþór Birgisson íþrótta- og tómstundafulltrúi sem jafnframt ritaði fundargerð.

1. Glímudeild UMFN - kynning á starfsemi (2021120231)

Vilbert Gústafsson og Guðmundur Stefán Gunnarsson frá Glímudeild UMFN kynntu starfsemi deildarinnar sem og möguleika þess að Júdódeild Reykjanesbæjar deili aðstöðu með Glímudeildinni. Í máli Vilberts og Guðmundar kom fram að sá möguleiki sé ekki raunhæfur.

Íþrótta- og tómstundaráð þakkar góða kynningu.

2. Beiðni Júdófélags Reykjanesbæjar um afnot af húsnæði (2021120227)

Beiðni Júdófélags Reykjanesbæjar um aðstoð við að útvega æfingahúsnæði fyrir deildina.

Erindi frestað.

3. Umsókn Stapaskóla í forvarnarsjóð (2021020002)

Umsókn frá Gróu Axelsdóttur skólastjóra Stapaskóla í forvarnarsjóð til að bjóða upp á fyrirlestur um rasisma og mismunun.

Jón Haukur Hafsteinsson vék af fundi undir þessum lið.

ÍT ráð samþykkir erindið.

4. Inniaðstaða Golfklúbbs Suðurnesja (2021060310)

Íþrótta- og tómstundaráð Reykjanesbæjar heimsótti væntanlega inniaðstöðu sem félagsmenn Golfklúbbs Suðurnesja eru að innrétta þessa stundina og verður tekin formlega í gagnið innan skamms.

Fylgigögn:

Inniaðstaða Golfklúbbs Suðurnesja - myndir frá undirbúningi

5. Siglingafélagið Knörr (2021120233)

Íþrótta- og tómstundaráð hitti forsvarsfólk Siglingafélagsins Knarrar og hlýddu á beiðni þeirra um hvernig þau sjái fyrir sér að endurreisa félagið. Einn af lykilþáttum þess er að fá aðstöðu undir bátana.

Íþrótta- og tómstundaráð þakkar greinargóða kynningu.

Fylgigögn:

Siglingafélagið Knörr - kynning
Siglingafélagið Knörr - myndir

6. Fjárhagsáætlun 2022 (2021120234)

Hafþór Birgisson íþrótta- og tómstundafulltrúi fór yfir helstu atriði í fjárhagsáætlun íþrótta- og tómstundamála 2022. Helstu atriði milli fyrri og seinni umræðu voru að hvatagreiðslur hækka úr 40.000 kr. í 45.000 kr. og að Ungmennaráð Reykjanesbæjar var úthlutað 5.000.000 kr. í þau verkefni sem þau eru að leggja áherslu á.

Fylgigögn:

Hvatagreiðslur 2022 - auglýsing


Fleira ekki gert og fundi slitið 18.30. Fundargerðin fer til afgreiðslu bæjarstjórnar 21. desember 2021.