186. fundur íþrótta- og tómstundaráðs Reykjanesbæjar var haldinn að Tjarnargötu 12 þann 24. september 2024, kl. 10:00

Viðstaddir: Friðþjófur Helgi Karlsson formaður, Birgir Már Bragason, Hjördís Baldursdóttir, Marta Sigurðardóttir og Sindri Kristinn Ólafsson.

Að auki sátu fundinn Hafþór Barði Birgisson íþrótta- og tómstundafulltrúi, Rúnar Vífill Arnarson formaður Íþróttabandalags Reykjanesbæjar og Íris Eysteinsdóttir ritari.

1. Siglingafélagið Knörr - beiðni um kaup á búnaði og kynning á framtíðarsýn (2021120233)

Ögmundur Erlendsson og Jón Helgason frá Siglingafélaginu Knörr mættu á fundinn og kynntu starfsemi félagsins og framtíðarhugleiðingar. Starfið flokkast undir öll heimsmarkmið Sameinuðu þjóðanna.

Íþrótta- og tómstundaráð þakkar fyrir góða kynningu og vísar erindinu í vinnu við fjárhagsáætlun 2025.

2. Frístundastefna Reykjanesbæjar - vinnuferli (2023050566)

Ólafur Bergur Ólafsson, frístundaráðgjafi og umsjónarmaður ungmennaráðs Reykjanesbæjar og Gunnhildur Gunnarsdóttir forstöðumaður Fjörheima og 88 hússins mættu á fundinn og kynntu fyrirhugaða vinnu við frístundastefnu Reykjanesbæjar.

Íþrótta- og tómstundaráð þakkar Ólafi Bergi og Gunnhildi fyrir kynninguna og leggur áherslu á samstarf og samvinnu við alla aðila.

Fylgigögn:

Frístundastefna Reykjanesbæjar

3. Fjárhagsáætlun íþrótta-, tómstunda- og lýðheilsumála 2025 (2024080166)

Hafþór Birgisson íþrótta- og tómstundafulltrúi fór yfir fjárhagsramma íþrótta- og tómstundamála og þær óskir sem hafa borist á árinu.

4. Beiðni Keflavíkur um kaup á myndavélabúnaði (2024090331)

Íþrótta- og tómstundaráð tekur undir erindi Keflavíkur, íþrótta- og ungmennafélags og telur mikilvægt að aukin verði rafræn vöktun í íþróttamannvirkjum og fyrir utan þau.

Málinu vísað til fjárhagsáætlunarvinnu fyrir árið 2025.

5. Lýðheilsu- og forvarnarvika Reykjanesbæjar (2024080331)

Hafþór Birgisson íþrótta- og tómstundafulltrúi fór yfir dagskrá lýðheilsu- og forvarnarviku Reykjanesbæjar sem hefst 30. september og stendur til 6. október nk.

Hægt er að kynna sér fjölbreytta dagskrá vikunnar á visitreykjanesbaer.is

Íþrótta- og tómstundaráð þakkar íbúum, stofnunum Reykjanesbæjar og fyrirtækjum fyrir að skipuleggja áhugaverða viðburði í vikunni og hvetur íbúa Reykjanesbæjar til virkrar þátttöku.

Fylgigögn:

Frístundir.is - auglýsing

Lýðheilsu- og forvarnarvika Reykjanesbæjar 2024

Auglýsing um lýðheilsu- og forvarnarviku Reykjanbæjar

Með því að smella hér má skoða dagskrá lýðheilsu- og forvarnarviku á visitreykjanesbaer.is

6. Samningur um eflingu barna- og ungmennastarfs Sundráðs ÍRB (2023110139)

Samningurinn lagður fram og samþykktur.

7. Nettóhöll - beiðni aðalstjórna Keflavíkur og Njarðvíkur (2023080210)

Aðalstjórnir Keflavíkur og Ungmennafélags Njarðvíkur óska eftir framlengingu samnings við Reykjanesbæ um áframhaldandi umsjón Reykjaneshallar.

Íþrótta- og tómstundaráð samþykkir að samningurinn verði framlengdur út árið 2025.

8. Fyrirspurn frá Keflavík vegna nýs íþróttahúss við Myllubakkaskóla (2024090519)

Eftirfarandi er bókun stjórnar Eignasjóðs frá fundi ráðsins 19. september 2024:

Óskað var eftir að skoðaður yrði möguleikinn á stækkun á íþróttahúsi Myllubakkaskóla í samræmi við íþróttahús Akurskóla í þeim tilgangi að hægt verði að halda þar íþróttaviðburði með áhorfendum.

Stjórn Eignasjóðs samþykkir að farið verði í hönnun samkvæmt framkomnum tillögum og leggur áherslu á að hönnunin verði unnin í samvinnu við Hafstein Ingibergsson forstöðumann íþróttamannvirkja.

Íþrótta- og tómstundaráð fagnar bókun stjórnar Eignasjóðs frá 19. september sl.

9. Beiðni Ungmennafélags Njarðvíkur um breytingu á aðstöðu Massa (2024090576)

Íþrótta- og tómstundaráð gerir ekki athugasemdir þar sem ekki fellur kostnaður á Reykjanesbæ og jákvæðar umsagnir Hafsteins Ingibergssonar forstöðumanns íþróttamannvirkja og Guðlaugs H. Sigurjónssonar, sviðsstjóra umhverfis- og framkvæmdasviðs, liggja fyrir.

10. Beiðni UMFN vegna meistaraflokks kvenna (2024060007)

Erindi lagt fram.

11. Stefna um starfsmannaíbúðir á Suðurnesjum - beiðni um umsögn (2024080039)

Umhverfis- og skipulagsráð Reykjanesbæjar óskar eftir umsögn um drög að stefnu um starfsmannaíbúðir á Suðurnesjum, sem er samstarfsverkefni Reykjanesbæjar og Suðurnesjabæjar.

Íþrótta- og tómstundaráð felur Friðþjófi Helga Karlssyni, formanni íþrótta- og tómstundaráðs, að koma athugasemdum ráðsins áfram.

Fleira ekki gert og fundi slitið kl. 12.14. Fundargerðin fer til afgreiðslu bæjarstjórnar 1. október 2024.