Fundargerð 203. fundur íþrótta- og tómstundaráðs Reykjanesbæjar haldinn að Grænásbraut 910 11. mars 2026 kl. 15:30

Viðstaddir: Eva Stefánsdóttir formaður, Hjördís Baldursdóttir, Magnús Einþór Áskelsson, Sindri Kristinn Ólafsson og Jóhann Gunnar Sigmarsson.

Marta Sigurðardóttir boðaði forföll, Magnús Einþór Áskelsson sat fundinn í hennar stað.

Að auki sátu fundinn Rúnar Vífill Arnarson formaður Íþróttabandalags Reykjanesbæjar, Frosti Kjartan Rúnarsson fulltrúi ungmennaráðs, Helgi Arnarson sviðsstjóri menntasviðs og Hafþór Barði Birgisson íþrótta- og tómstundafulltrúi sem jafnframt ritaði fundargerð.

1. Farsæld barna - kynning (2023050248)

Eydís Rós Ármannsdóttir, verkefnastjóri skrifstofu velferðarsviðs, kynnti aðgerðaáætlun í innleiðingu farsældar barna í Reykjanesbæ árið 2026.

Íþrótta- og tómstundaráð samþykkir og þakkar Eydísi fyrir góða kynningu.

2. Íþróttafélagið Nes - kynning (2026030119)

Jóhann Jóhannsson formaður Íþróttafélagsins Nes kynnti starfsemi félagsins.

Íþrótta- og tómstundaráð þakkar Jóhanni fyrir góða kynningu.

Fylgigögn:

Íslandsleikar Reykjanesbæjar 28.-29. mars 2026

3. Keflavík, íþrótta- og ungmennafélag - kynning fjármálastjóra (2026030120)

Guðbjörg Björnsdóttir, fjármálastjóri Keflavíkur íþrótta- og ungmennafélags og Birgir Már Bragason framkvæmdastjóri félagsins mættu á fundinn og gerðu grein fyrir fjármálum félagsins og því starfi sem þau eru að inna af hendi fyrir félagið.

Íþrótta- og tómstundaráð þakkar Guðbjörgu og Birgi fyrir greinargóða kynningu.

4. Samningur um rekstur knattspyrnusvæða UMFN (2026030121)

Samningurinn lagður fram og samþykktur.

5. Samningur um rekstur knattspyrnusvæða Keflavíkur (2026030122)

Samningurinn lagður fram og samþykktur.

6. Færanlegar kennslustofur (2025030099)

Minnisblað lagt fram varðandi nýtingu á færanlegri skólastofu.

Íþrótta- og tómstundaráð leggur afar mikla áherslu á að færanleg skólastofa sem er að losna verði sett á svæðið vestan Nettóhallar.

Fylgigögn:

Minnisblað - færanleg skólastofa á gervigrasvöll vestan Nettóhallar

Fleira ekki gert og fundi slitið kl. 17:30. Fundargerðin fer til afgreiðslu bæjarstjórnar 17. mars 2026.