50. fundur lýðheilsuráðs Reykjanesbæjar var haldinn að Tjarnargötu 12 þann 3. september 2024, kl. 14:00

Viðstödd: Bjarney Rut Jensdóttir formaður, Anna Lydía Helgadóttir, Karítas Lára Rafnkelsdóttir, Magnús Einþór Áskelsson og Sveindís Valdimarsdóttir.

Að auki sátu fundinn Hafþór Birgisson íþrótta- og tómstundarfulltrúi, Perla Dís Gunnarsdóttir fulltrúi ungmennaráðs og Íris Eysteinsdóttir ritari.

Jóhanna Björk Sigurbjörnsdóttir boðaði forföll. Sveindís Valdimarsdóttir sat fundinn í hennar stað.

Lýðheilsuráð samþykkir einróma að taka á dagskrá Gulur September (2024090038). Fjallað er um málið undir dagskrárlið 9.

1. Vinnuskóli Reykjanesbæjar sumarið 2024 (2024020093)

Svala Rún Magnúsdóttir aðstoðarforstöðumaður Vinnuskólans mætti á fundinn og sagði frá starfsemi Vinnuskólans sem gekk afar vel í sumar.

Lýðheilsuráð þakkar Svölu fyrir flotta kynningu og vill koma á framfæri kærum þökkum til ungmenna og stjórnenda sem störfuðu í Vinnuskólanum í sumar.

Fylgigögn:

Vinnuskóli Reykjanesbæjar - samantekt eftir sumarið

2. Ný félagsmiðstöð í Háaleitisskóla Ásbrú (2024080330)

Jón Ragnar Magnússon umsjónarmaður Brúarinnar, ný félagsmiðstöð í Háaleitisskóla á Ásbrú mætti á fundinn og kynnti væntanlega starfsemi félagsmiðstöðvarinnar.

Lýðheilsuráð þakkar fyrir góða kynningu og lýsir yfir ánægju með að félagsmiðstöðin Fjörheimar séu að útvíkka starfsemi sína út í hverfin.

Fylgigögn:

Brúin - félagsmiðstöð Háaleitisskóla

3. Flotinn - viðbragð um Ljósanæturdagana (2024080168)

Gunnhildur Gunnarsdóttir forstöðumaður Fjörheima og 88 Hússins og Ólafur Bergur Ólafsson frístundaráðgjafi mættu á fundinn og kynntu Flotann flakkandi félagsmiðstöð sem byggð er upp á Flotanum í Reykjavík. Um er að ræða mjög áhugavert forvarnarviðbragð í Reykjanesbæ. Að auki var sagt frá viðbragði forvarnaraðila sem verður viðhaft um Ljósanæturhelgina.

Lýðheilsuráð þakkar fyrir góða kynningu og skorar á foreldra að fylgjast vel með ungmennunum sínum og skilja börnin ekki eftir eftirlitslaus á hátíðarsvæðinu.

Fylgigögn:

"Flotinn" - flakkandi félagsmiðstöð

4. Ljósanótt 2024 - tilkynning til foreldra/forráðamanna (2024080168)

Lýðheilsuráð fór yfir tilkynningu til foreldra um að taka samtalið við börnin sín um að allir skemmti sér fallega í Ljósanæturhátíðinni.

Fylgigögn:

Skemmtum okkur fallega á ljósanótt

Samvera er besta forvörnin

Plan fyrir Ljósanótt

5. Lýðheilsu- og forvarnarvika Reykjanesbæjar (2024080331)

Lýðheilsu- og forvarnarvika Reykjanesbæjar fer fram 30. september til 6. október. Skipulagning er að hefjast.
Lýðheilsuráð hvetur stofnanir, fyrirtæki og einstaklinga til að skipuleggja viðburði og taka virkan þátt í lýðheilsu- og forvarnarvikunni.

Fylgigögn:

Lýðheilsu- og forvarnarvika Reykjanesbæjar

6. Ábending til íbúa í Reykjanesbæ vegna skólabyrjunar (2024030103)

Lýðheilsuráð skorar á íbúa að aka varlega, spenna beltin og að öll sem eitt beri endurskinsmerki.

Fylgigögn:

Ökum varlega inni í hverfum

Skólabyrjun

Verum sýnileg

7. Frístundir.is (2023010324)

Hafþór Birgisson íþrótta- og tómstundafulltrúi fór yfir þau íþrótta- og tómstundatilboð sem eru komin á fristundir.is.

Fylgigögn:

Með því að smella hér ferðu inná vef Frístunda.is

8. Frísk 60+ lýðheilsunámskeið á vegum Keflavíkur og Njarðvíkur (2024080456)

Lýðheilsuráð vill hrósa Keflavík og Njarðvík fyrir að standa fyrir lýðheilsunámskeiðum fyrir 60 + og minnir á kynningarfund um verkefnið 16. september kl. 15.00 í
íþróttahúsinu við Sunnubraut.

Fylgigögn:

Frísk í Reykjanesbæ 

Heilsuefling fyrir 60 ára og eldri

Upplýsingar um Frísk í Reykjanesbæ

9. Gulur September (2024090038)

Lýðheilsuráð minnir á Gulan september sem er samvinnuverkefni stofnana og félagasamtaka sem vinna saman að geðheilbrigði og sjálfsvígsforvörnum.

Fleira ekki gert og fundi slitið kl. 15.46. Fundargerðin fer til afgreiðslu bæjarstjórnar 17. september 2024.