63. fundur menningar- og þjónusturáðs Reykjanesbæjar var haldinn að Grænásbraut 910 þann 28. mars 2025 kl. 08:30

Viðstaddir: Trausti Arngrímsson formaður, Birgitta Rún Birgisdóttir, Elfa Hrund Guttormsdóttir, Eva Stefánsdóttir og Sverrir Bergmann Magnússon.

Að auki sátu fundinn Halldóra Guðrún Jónsdóttir sviðsstjóri menningar- og þjónustusviðs, Guðlaug María Lewis menningarfulltrúi, Sóley Guðjónsdóttir fulltrúi ungmennaráðs og Íris Eysteinsdóttir ritari.

1. Viðburðir fyrir eldri borgara (2024050425)

Margrét Arnbjörg Valsdóttir, teymisstjóri öldrunar- og stuðningsþjónustu og Silja Konráðsdóttir, sérfræðingur í félagsstarfi, mættu á fundinn og kynntu viðburði og félagsstarf fyrir eldri borgara.

Menningar- og þjónusturáð þakkar fyrir góða kynningu og lýsir ánægju sinni með fjölbreytt og gott starf sem í boði er fyrir eldri borgara. Hægt er að nálgast upplýsingar um félagsstarf og viðburði inn á fristundir.is.

2. Mælaborð menningar- og þjónustusviðs 2024 (2025030170)

Halldóra G. Jónsdóttir sviðsstjóri menningar- og þjónusturáðs kynnti mælaborð sviðsins 2024.

3. Fjölmiðlagreining 2024 (2025030354)

Halldóra G. Jónsdóttir sviðsstjóri menningar- og þjónusturáðs fór yfir fjölmiðlagreiningu frá Creditinfo fyrir árið 2024.

4. Menningarsjóður 2025 (2025010356)

Menningar- og þjónusturáð lauk afgreiðslu umsókna í menningarsjóð Reykjanesbæjar 2025.

5. 17. júní – ræðumaður og fánahyllir (2025030420)

Menningar- og þjónusturáði er falið að koma með tillögur á næsta fundi að ræðumanni dagsins og fánahylli fyrir hátíðardagskrá 17. júní.

Íbúar geta einnig sent inn tillögur á menningarfulltrui@reykjanesbaer.is.

6. Baun 2025 – fyrirhuguð dagskrá (2025030421)

Guðlaug M. Lewis menningarfulltrúi gerði grein fyrir undirbúningi fyrir BAUN, barna- og ungmennahátíð í Reykjanesbæ sem fram fer dagana 2.-11. maí 2025.

7. Cirkus Flik Flak – heimsókn í sumar (2025030425)

Danski sirkusinn Cirkus Flik Flak kemur til landsins í sumar og verður með sýningar á stórhöfuðborgarsvæðinu og á Suðurlandi. Sýningar hópsins verða opnar fyrir alla fjölskylduna og verður aðgangur ókeypis. Hópurinn leitar til sveitar- og íþróttafélaga um aðstoð vegna gistingar og þess háttar.

Menningar- og þjónusturáð tekur vel í erindið og vísar því áfram til íþrótta- og tómstundaráðs.

8. Flutningar ráðhúss upp á Ásbrú (2019050839)

Halldóra G. Jónsdóttir sviðsstjóri menningar- og þjónusturáðs fór yfir flutninga ráðhúss á Grænásbraut 910. Starfsfólk menningar- og þjónustusviðs sem hafði aðstöðu í Gömlu búð hefur einnig flutt starfsstöðvar sínar í ráðhúsið að Grænásbraut.

9. Móttaka skemmtiferðaskipa – tilnefningar í vinnuhóp (2025020389)

Menningar- og þjónusturáð tilnefnir Trausta Arngrímsson og Birgittu Rún Birgisdóttur sem aðalmenn og Sverri Bergmann Magnússon sem varamann í fyrirhugaðan vinnuhóp.

10. Ársskýrslur menningar- og þjónustusviðs 2024 (2025030170)

Ársskýrslur menningar- og þjónustusviðs 2024 lagðar fram til kynningar.

Fleira ekki gert og fundi slitið kl. 10.36. Fundargerðin fer til afgreiðslu bæjarstjórnar 1. apríl 2025.