94. fundur neyðarstjórnar Reykjanesbæjar, fjarfundur var haldinn þann 17. júlí 2025 kl. 07:30

Viðstödd: Halldóra Fríða Þorvaldsdóttir starfandi bæjarstjóri, Guðný Birna Guðmundsdóttir forseti bæjarstjórnar, Helgi Arnarson sviðsstjóri menntasviðs, Hera Ósk Einarsdóttir sviðsstjóri velferðarsviðs, Einar Snorrason verkefnastjóri á umhverfis- og framkvæmdasviði og Halldóra G. Jónsdóttir sviðsstjóri menningar- og þjónustusviðs sem jafnframt ritaði fundargerð.

1. Eldgos á Reykjanesi - starfsemi vinnuskólans

Ólafur Bergur Ólafsson forstöðumaður vinnuskólans mætti á fundinn.

Fundur var boðaður til að taka ákvörðun um starfsemi vinnuskólans fimmtudaginn 17. júlí. Farið var yfir gasdreifingarspár fyrir daginn og mögulega mengun á svæðinu vegna eldgoss við Sundhnúksgíga. Ekki var talin þörf á að hafa vinnuskólann lokaðan í ljósi þeirra gagna. Ungmennin verða hvött til að gæta sín á nornahárum sem geta enn verið í umhverfinu þrátt fyrir rigningar og tekið tillit til þeirra sem eru viðkvæmir og treysta sér ekki til vinnu.

Fleira ekki gert og fundi slitið kl. 08:05.