40. fundur framtíðarnefndar Reykjanesbæjar var haldinn að Tjarnargötu 12 þann 12. apríl 2023 kl. 08:15

Viðstaddir: Þóranna Kristín Jónsdóttir varaformaður, Aneta Grabowska, Guðni Ívar Guðmundsson, Hjörtur Magnús Guðbjartsson, Jóhanna Björk Sigurbjörnsdóttir.

Íris Ósk Ólafsdóttir boðaði forföll og sat Hjörtur Magnús Guðbjartsson fundinn í hennar stað. Jón Helgason boðaði forföll og sat Jóhanna Björk Sigurbjörnsdóttir fundinn í hans stað.

Að auki sátu fundinn Halldóra Guðrún Jónsdóttir aðstoðarmaður bæjarstjóra, Silja Kolbrún Skúladóttir fulltrúi ungmennaráðs, Aðalheiður Ósk Gunnarsdóttir og Íris Eysteinsdóttir ritarar.

1. Barnvænt sveitarfélag (2020021548)

Nefndin fór saman yfir fræðslu frá UNICEF Akademíunni um barnvænt sveitarfélag. Mikilvægt er að taka mið af Barnasáttmála Sameinuðu þjóðanna í öllu starfi sveitarfélagsins og mun framtíðarnefnd gera það vegna vinnu við lýðræðisstefnu.

2. Lýðræðisstefna Reykjanesbæjar (2023030124)

Nefndin ræddi fyrirhugaða vinnu við íbúalýðræðisstefnu Reykjanesbæjar og undirbúning hennar. Jafnframt var ákveðið að næsti fundur yrði fyrsti vinnufundur fyrir stefnumótunina.

Fleira ekki gert og fundi slitið kl. 10:20. Fundargerðin fer til afgreiðslu bæjarstjórnar 18. apríl 2023.