Reykjanesbær tók nýja ábendingagátt í notkun 1. júní 2023.

Síðan þá hafa rúmlega 1.300 ábendingar borist, eins og sjá má á gagnatorgi Reykjanesbæjar.

Reykjanesbær tekur vel á móti ábendingum og leggur sig fram við að gera betur í dag en í gær, eins og einn af leiðarvísum þjónustu- og gæðastefnu sveitarfélagsins segir.

Íbúar eru hvattir til þess að nýta sér ábendingagátt sveitarfélagsins til þess að koma á framfæri ábendingum um hvað má betur fara og/eða fyrirspurnum.

Íbúar geta sent almennar fyrirspurnir til embætta skipulags- eða byggingarfulltrúa í gegnum ábendingargátt sem er samskiptaleið við starfsfólk.

Erindi sem krefjast stjórnsýsluafgreiðslu, annað hvort byggingarfulltrúa eða umhverfis- og skipulagsráð þurfa að berast í gegnum mittreykjanes.is, sem erindi til annaðhvort skipulags- eða byggingarfulltrúa..

Reykjanesbær hvetur íbúa til að nýta sér áfram þessar samskiptaleiðir sem hafa reynst sveitarfélaginu vel.