Eftirlitsnefnd sveitarfélaga hefur sent Reykjanesbæ bréf þar sem tekið er fram að stofnunin muni ekki aðhafast frekar í skoðun á fjármálum sveitarfélagsins.

Eftirlitsnefndin hefur óskað eftir ársreikningi Reykjanesbæjar 2009 hið fyrsta til þess að sannreyna áætlaða niðurstöðu þess árs um 7 milljarða kr. hagnað svo og ársfjórðungslegum reikningsskilum og mun Reykjanesbær verða við því.

Að öðru leyti er Reykjanesbær ekki lengur í skoðun hjá stofnuninni.

Fréttir um að Reykjanesbær sé enn í gjörgæslu hjá EFS eru því rangar og hafa verið leiðréttar.