Fanney matráður á Tjarnarseli kvödd

Í dag kvaddi Fanney Sigurðardóttir matráður í Tjarnarseli en þetta var síðasti vinnudagurinn hennar eftir 34 ára farsælt starf í leikskólanum.

Hún var kvödd af börnum og starfsfólki með skemmtidagskrá á sal þar sem hver deild söng fyrir hana uppáhaldslagið sitt.  Börnin afhentu Fanneyju kveðjukort sem þrír árgangarnir útbjuggu og ein stúlkan af Sunnuvöllum las kveðjurnar frá börnunum.

Í lokin kvaddi Fanney börnin og gaf þeim ís og einnig er hún með heimboð fyrir starfsmenn Tjarnarsels í dag.  Starfsfólkið þakkaði Fanneyju, sem hefur haldið í starfsgleðina í öll þessi ár, fyrir ómetanleg og farsælt samstarf.

Nú fer Fanney í langt sumarfrí og hættir formlega störfum í júní n.k.