- Þjónusta
- Stjórnsýsla
Þú getur notað Google til að þýða þessa vefsíðu. Við tökum enga ábyrgð á nákvæmni þýðingarinnar. Þjónustan notar vafrakökur til þess að bæta upplifun notenda.
Ólafur S. Magnússon þjónustufulltrúi FIT í Reykjanesbæ og Helga María Finnbjörnsdóttir varaformaður fræðsluráðs Reykjanesbæjar.
22.05.2018
Fréttir, Grunnskólar
Fleiri hafa stokkið á vagninn og ákveðið að styrkja samstarfsverkefni Reykjanesbæjar og FS sem kallast Látum verkin tala - verknámssmiðjur í FS.
FIT, Félag iðn- og tæknigreina, munu styrkja verkefnið en aðilar þar finna mikla þörf á að fjölga iðnmenntuðum einstaklingum í atvinnulífinu. Því telja þeir verknámssmiðjurnar vel til þess fallnar að auka áhuga ungmenna á verknámi.
Látum verkin tala eru fyrir nemendur sem eru að ljúka námi í 9. bekk í Reykjanesbæ og Sandgerði en verknámssmiðjurnar fara fram í gegnum vinnuskólann.
Enn hafa fyrirtæki möguleika á að styrkja þetta spennandi verkefni en þeir sem hafa áhuga á að styrkja það geta haft samband við Helgu Maríu Finnbjörnsdóttur hjá Reykjanesbæ eða Kristján Ásmundsson skólameistara FS.
