Arnar Geir Halldórsson, sellónemandi, heldur framhaldsprófs – og burtfarartónleika í Stapa, Hljómahöll, miðvikudaginn 19. maí kl.19:30

Arnar Geir sem er fæddur árið 2001 hefur stundað sellónám við Tónlistarskóla Reykjanesbæjar sl. 12 ár og tekið þátt í margvíslegum verkefnum í tengslum við námið. Auk þess hefur hann verið þátttakandi í þó nokkrum sinfóníuverkefnum með Sinfóníuhljómsveit unga fólksins undir stjórn Gunnsteins Ólafssonar. Í haust hefur Arnar Geir framhaldsnám í sellóleik á hljóðfærabraut Listaháskóla Íslands.

Aðeins verður um boðsgesti að ræða. Tónleikunum verður því streymt á YouTube rás skólans.