Myllubakkaskóli fékk verðlaun fyrir framúrskarandi árangur í Lestrarkeppni grunnskóla. Það voru 310 þátttakendur frá skólanum sem lásu 43 þúsund setningar inn á síðuna samrómur.is

Lestrarkeppni grunnskóla var sett á laggirnar til að hvetja ungt fólk til þátttöku í verkefninu Samrómur sem snýr að því að safna upptökum af lestri sem notaðar verða til að kenna tölvum og tækjum að skilja íslensku.

Í ár tóku rúmlega sex þúsund nemendur þátt í Lestrarkeppni grunnskólanna og lásu um 790 þúsund setningar. Það er því ljóst að þátttakan í ár var mjög góð og samanlagt hafa safnast 1,1 milljón lesinna setninga frá því að verkefnið hófst.