Fullt hús var á fyrsta íbúafundi bæjarstjóra sem haldinn var í Akurskóla í gærkveldi en fundirnir eru haldnir árlega.

Á fundinum fór Árni Sigfússon bæjarstjóri yfir helstu verkefni Reykjanesbæjar í nútíð og fortíð en áhersla var lögð á fjölskylduna, umhverfi og öryggi, tölur úr ársreikningi og nýsköpun í atvinnumálum.
Að lokinni kynningu og kaffihlé gafst gestum svo kostur á að setjast niður á borð eftir framkvæmdasviðum og koma með ábendingar sem framkvæmdastjórar skráðu niður.

Næsti fundur verður haldinn í Njarðvíkurskóla á morgun kl. 20:00.

Dagskrá íbúafunda

5. maí Njarðvíkurskóli kl. 20:00
6. maí Hafnir kl. 20:00
10. maí Holtaskóli kl. 20:00
11. maí Heiðarskóli kl. 20:00

Fundirnir eru sendir út í beinni útsendingu á vef Reykjanesbæjar.