Veðurstofan hefur gefið út gula veðurviðvörun sem gildir fyrir okkar svæði frá klukkan 11:00 í dag og fram á laugardagsmorgun. Búast má við hláku, hálku og nokkrum vindi. Bæjarbúar eru hvattir til að sýna aðgát á leið til og frá skóla og tryggja að skólabörn séu vel klædd eftir veðri.

Íbúar eru einnig hvattir til að hreinsa snjó frá niðurföllum á lóðum til að forðast vatnsmyndun.

Til að stuðla að öruggara umhverfi í hláku næstu daga býður Umhverfissvið Reykjanesbæjar íbúum að sækja sér sand til hálkuvarna. Hægt er að fylla í eigin ílát á nokkrum stöðum í bænum og nýta sandinn til að tryggja örugga aðkomu að heimilum og vinnustöðum. Meira hér.

Í sambandi við hrekkjavökuna í dag hvetjum við fjölskyldur til að kynna sér hverfasíður sveitarfélagsins fyrir upplýsingar um viðburði og skipulag í hverfum bæjarins.

Eigið góðan dag og farið varlega!