Einar Hansberg Árnason er nú á hringferð um landið til stuðnings árvekniátaki Unicef á Íslandi gegn ofbeldi á börnum.  Einar ætlar ásamt fjölskyldu og vinum að stoppa í 36 sveitarfélögum á landinu og róa, skíða eða hjóla 13 þúsund metra á hverjum stað, einn metra fyrir hvert barn sem verður fyrir ofbeldi á Íslandi.

Átak Unicef hófst í vor undir yfirskriftinni „Stöðvum feluleikinn“. Einar kom við í Ráðhúsi Reykjanesbæjar í morgun með hjól, skíða- og róðravél sem starfsmenn tóku í og lögðu verkefninu lið. Hér má lesa um verkefnið og leggja því lið.