Í fjárhagsáætlun Reykjanesbæjar fyrir árið 2011 er gert ráð fyrir hóflegum gjaldskrárhækkunum.  Lögð er áhersla á að skerða sem minnst grunnþjónustu við bæjarbúa.

Leikskólagjöld eru 27.130 kr. fyrir 8 stunda vistun með fæði en 2. barn í fjölskyldu greiðir kr. 13.560.

Umönnunargreiðslur nema 25 þús. kr. á mánuði. Þær eru greiddar til allra foreldra strax að loknu fæðingarorlofi til 15 mánaða aldurs, en jafnframt til allra foreldra sem nýta þjónustu dagforeldra, fram að leikskólaaldri.

Máltíð fyrir nemendur í grunnskóla kostar kr. 250.

Mánaðargjald í frístundaskóla er að hámarki kr. 14.800.

Grunnnám í Tónlistarskóla Reykjanesbæjar kostar á ári kr. 63.525 en framhaldsnám kr. 69.875.

Fasteignamat er umtalsvert lægra í Reykjanesbæ en á höfuðborgarsvæðinu. Í fjárhagsáætlun voru fasteignagjöld hækkuð í samræmi við lækkun fasteignamats, til að halda sömu tekjum í krónutölu. Fasteignaskattur er 0,3%.  Lóðarleiga var lækkuð úr 1,5% í 1,3% til að nálgast samræmingu á mismunandi lóðarleigugjöldum.

Frítt er í sund fyrir börn og eldri borgara.

Frítt í forskóla í tónlistar námi.

Frítt er í strætó.

Útsvar er 14,48%.