Íbúum fjölgar í Reykjanesbæ

Fjölbreyttu mannlífi fagnað við setningu Ljósanætur.
Fjölbreyttu mannlífi fagnað við setningu Ljósanætur.

Íbúar í Reykjanesbæ voru alls 14.250 í lok apríl sl. Þeim hefur fjölgað um 113 frá áramótum, þegar íbúafjöldinn var 14.137.
Þetta kom fram á íbúafundi með bæjarstjóranum í Reykjanesbæ í Innri Njarðvík sl.  mánudagskvöld.
Mikil íbúaaukning varð í Reykjanesbæ á árunum 2005-2008 en íbúafjöldinn hefur haldist tiltölulega jafn síðan.  Árið 2009 varð nokkur fækkun en haldist þessi tala hefur íbúafjöldinn ekki verið meiri áður í Reykjanesbæ. Að sögn Árna Sigfússonar, bæjarstjóra skiptir mestu um íbúafjölgun að þegar Varnarliðið hvarf á braut í lok árs 2006, með tilheyrandi  starfahruni, var varnarsvæðinu að stórum hluta breytt í nemendakampus þar sem skólafélagið Keilir er. Nú hafa um 1000 manns útskrifast frá Keili og íbúar með lögheimili á umræddu svæði, að Ásbrú í Reykjanesbæ eru um 1500.

 

Sveitarstjórnarmál